Lionel Messi er í umræðunni þessa stundina en hann lék með Argentínu gegn Íslandi á HM í dag.
Messi fékk gullið tækifæri til að koma Argentínu yfir í dag er hann steig á vítapunktinn í síðari hálfleik.
Staðan var 1-1 þegar Messi steig á punktinn en Hannes Þór Halldórsson varði glæsilega frá Argentínumanninum.
Það er óhætt að segja að það séu til betri vítaskyttur en Messi sem þó elskar ekkert meira en að skora mörk.
Messi tekur einnig vítaspyrnurnar fyrir Barcelona á Spáni en tölfræði hans er ekki frábær.
Messi hefur tekið 103 vítaspyrnur á ferlinum og hefur klikkað 24 sinnum sem þykir ansi mikið.
