Góðan dag, kæru lesendur og velkomnir í textalýsingu frá Moscow Stadium í Moskvu þar sem framundan er leikur Íslands og Argentínu í fyrsta leik okkar á HM. Stóra stundin rennur upp klukkan 13 að íslenskum tíma, eða klukkan 16 að rússneskum. Hér munum við fræða ykkur um það helsta sem gerist í aðdraganda leiksins og stikla á stóru um það sem gerist meðan hann er í gangi.

LEIK LOKIÐ MEÐ 1-1 JAFNTEFLI

Óbærileg spenna

Það eru innan við tíu mínútur til leiksloka og óhætt að segja að spennan sé yfirþyrmandi. Argentínumenn líklegri þessa stundina en íslenska liðið verst vel.

Aron Einar farinn út af

Aron búinn að glíma við meiðsli að undanförnu og hann nær hér 75. mínútum. Flottur leikur hjá fyrirliðanum. Inná í hans stað kemur Ari Freyr Skúlason. Hann fer á hægri vænginn, Rúrik þann vinstri og Birkir Bjarnason færir sig inn á miðjuna.

Hannes ver víti frá Lionel Messi á 64. mínútu.

Hörður Björgvin dæmdur brotlegur inni í teig og á punktinn steig Lionel Messi. Hannes gerði sér lítið fyrir og varði stórkostlega frá honum.

Í öllum hamagangnum fór Jóhann Berg meiddur af velli rétt áður en vítaspyrnan var dæmd.  Slæm tíðindi fyrir íslenska liðið enda Jóhann lykilmaður í liðinu. Rúrik Gíslason kemur inn á í hans stað. Það er vonandi að Rúrik sýni jafn góðan leik og hann gerði á móti Norðmönnum þar sem hann var besti maður Íslands.

—

Það vekur athygli að varamenn Argentínu eru ekki úti á velli að hita upp eða hreyfa sig. Nú er síðari hálfleikur að fara af stað, liðin eru að koma út á völl.

Einungis leikmenn ?? að nota hálfleikinn. Spes.#fotboltinet
Við vinnum þennan leik…#worldcup #hmruv #fyririsland #physiolife pic.twitter.com/mjKD8VQQhQ

— Einar Óli (@einar_oli) June 16, 2018

Enn einn venjulegur dagur á skrifstofunni hjá Alfreð!

That feeling when you score the 1st World Cup goal in Iceland history. pic.twitter.com/3tjF1402W3

— CBS Sports (@CBSSports) June 16, 2018

—-

Þetta er skemmtilegt. Markið sem Alfreð skoraði áðan var það fljótasta frá árinu 1994 ef miðað er við þær þjóðir sem eru að spila í fyrsta sinn á HM. Fljótasta markið skoraði Rashidi Yekini í leik Nígeríu og Búlgaríu á HM í Bandaríkjunum 1994.

23 – Alfred Finnbogason's goal (22:49) was the earliest scored for a nation playing in their first World Cup game since Rashidi Yekini scored after 21 minutes for Nigeria vs Bulgaria on June 21st 1994. Impact.#ARGISL #ISL #NGA #WorldCup pic.twitter.com/8zO7ycQgPr

— OptaJoe (@OptaJoe) June 16, 2018

—-

Bubbi Morthens situr spenntur yfir skjánum:

#HmRuv þegar Alfreð skorað gerðust undur titanic flaut upp

— Bubbi Morthens (@BubbiMorthens) June 16, 2018

—-

Hálfleikur – 1-1

Heimir Hallgrímsson getur farið sáttur inn í klefa með sína menn. Staðan 1-1 og leikurinn í algjörum járnum. Argentínumenn vissulega náð að ógna, þeir vildu líka fá víti þegar boltinn fór í hönd Ragga Sig en dómarinn dæmdi ekki. Lionel Messi hefur haft tiltölulega hægt um sig sem eru góð tíðindi, íslensku strákarnir hafa ráðið vel við hann og lokað þokkalega vel á hann. Hann náði einu góðu skoti fyrir utan teig sem Hannes varði vel.  Ísland hefur líka fengið sinn skerf af færum og gæti vel hafa náð að skora 2-3 mörk í fyrri hálfleik.

—-

Við erum það líka!

1-1. Alfreð Finnbogason hirðir frákast í teignum og skorar flott mark. Frábær sókn hjá Íslandi! Markið kom á 23. mínútu. Aguero skoraði á 18. mínútu.

Þeir eru svo góðir!

1-0 fyrir Argentínu. Sergio Aguero með markið. Fékk tíma til að snúa sér í teignum og kláraði með óverjandi skoti upp í hornið. Athygli vekur að þetta er fyrsta markið sem Aguero skorar á HM. En, þetta er ekki búið, við vitum það.

Fer ágætlega af stað

Íslenska liðið gefur því argentínska lítið eftir þó Suður-Ameríkuliðið sé ef til vill meira með boltann. Besta færi leiksins er okkar Íslendinga þegar Birkir Bjarnason skaut rétt framhjá markinu. Argentínumenn átt hálffæri og skapað vissulega ákveðnar hættur. Tæplega 15 mínútur liðnar og staðan 0-0.

Byrjum þetta! 12.59

Það var vel tekið undir í stúkunni þegar íslenski þjóðsöngurinn var spilaður. Koma svo, áfram Ísland!

Styttist í leik – 12.47

Ég er kominn í leik ómaði í hátalarakerfinu hérna áðan og hefur eflaust farið gæsahúð um marga. Það vakti athygli að Arnór Guðjohnsen og Javier Zanetti voru saman í viðtali hér niðri á velli fyrir nokkrum mínútum. Tvær gamalreyndar kempur sem kunnu ýmislegt fyrir sér á sínum tíma.

Argentínumenn komnir í upphitun – 12.27

Nú þegar rétt rúmur hálftími er í leik eru Argentínumenn komnir út. Þeim er að sjálfsögðu ákaft fagnað.

Upphitun í gangi – 12.22

Strákarnir eru byrjaðir að hita upp af fullum krafti. Emil, Gylfi, Jóhann Berg, Birkir Már og Kári æfa stutta spilið saman. Það gera Hörður Björgvin, Aron Einar, Raggi Sig, Alfreð Finnboga og Birkir Bjarna líka. Hannes er svo með Guðmundi Hreiðarssyni markmannsþjálfara. Varamennirnir eru saman í reit og virðast skemmta sér konunglega.

Strákarnir komnir út á völl – 12.13

Þarna!

Strákunum ákaft fagnað þegar þeir koma út á völl til að hita upp. Þeir Íslendingar sem eru í stúkunni láta vel í sér heyra þó Argentínumenn séu og verði í miklum meirihluta. Ef það er eitthvað sem við getum þá er það að keyra upp stemninguna á pöllunum. Annars er stemningin hér engu lík, þvílíkur hávaði og það er von á mikilli veislu í dag.

Alfreð byrjar – 11.56

Byrjunarliðið er komið. Hannes er í markinu, Hörður í vinstri bakverði, Raggi og Kári í miðri vörninni og Birkir Már hægri. Aron Einar, Birkir Bjarnason, Emil Hallfreðsson og Gylfi Sigurðsson eru á miðjunni og Alfreð í fremstu víglínu.

Byrjunarliðið væntanlegt fljótlega – 11.47

Byrjunarlið íslenska liðsins er væntanlegt á hverri stundu og munum við að sjálfsögðu segja ykkur frá því um leið og það kemur.

Rúmur klukkutími í leik – 11.41

Nú þegar rúmur klukkutími í leik er völlurinn að fyllast hægt og rólega. Stuðningsmenn Argentínu eru enn sem komið er í miklum meirihluta og virðast sitja mjög vítt og breitt um völlinn. Ekki ber mikið á íslenskum stuðningsmönnum en þeir munu án nokkurs vafa láta vel í sér heyra.

Messi er mættur – 11.28

Það brutust út mikil fagnaðarlæti þegar sýnt var frá því þegar argentínska liðið mætti nú rétt í þessu. Þegar myndavélin beindist að Lionel Messi brutust út gríðarleg fagnaðarlæti. Það mætti halda að hann gæti eitthvað í fótbolta.

Strákarnir ganga um völlinn – 11.26

Íslenska liðið komið – 11.20

Við sjáum á skjá fyrir framan okkur þegar íslenska liðið rennur í hlað á Spartak Stadium. Strákarnir eru nú að ganga inn í klefa og virka allir pollrólegir og mjög einbeittir.

Argentínumenn ekki sáttir – 11.16

Argentínumenn eru tilfinningaríkir stuðningsmenn og þeir létu vel í sér heyra hér á vellinum þegar verið var að endursýna sigurmark Þjóðverja gegn þeim í úrslitaleik HM 2014. Þeir sem mættir eru púuðu hressilega.

—-

Sjáðu Egil tala um landsliðið – 11.11

Við hittum Egil Einarsson í Moskvu í gær og hann var í miklu stuði. Hér að neðan má sjá hann tala um leikinn sem er framundan og ýmislegt fleira.

—-

Dúllan mætt – 11.08

Siggi Dúlla, Sigurður Sveinn Þórðarson, og Kristinn Jóhannsson, vallarstjóri á Laugardalsvelli, eru mættir út á völl til að skoða aðstæður. Völlurinn er í toppstandi og líklega ekki hægt að kvarta yfir neinu.

—-

Stuðningsmenn tínast inn – 11.02
Stuðningsmenn eru farnir að tínast inn á völlinn og má búast við því að völlurinn verði þéttsetinn. Hann tekur 45 þúsund manns í sæti og er heimavöllur Spartak í Moskvu. Argentínumenn voru mjög fjölmennir hér fyrir utan völlinn í morgun og það búast við því að þeir láti vel í sér heyra. Á röltinu um Rauða torgið voru ófáir Argentínumenn að falast eftir miðum á leikinn en þeir hafa líklega gripið flestir í tómt.