Það fer býsna vel um strákana okkar á hótelinu í Gelendzhik í Rússlandi og þeir þurfa ekki að hafa miklar áhyggjur af því að leiðast. Þeir fá aðhlynningu hjá sjúkraþjálfurum, geta legið í sólblaði og farið í ísbað svo dæmi séu tekin. Þá er hægt að fara í borðtennis og pílu.
Sjá einnig:
Björn Bergmann vill ekki segja frá leyndarmálinu – „Þetta verður mjög erfitt fyrir Argentínumenn“
En Björn Bergmann Sigurðarson segir að nokkrir í hópnum hafi býsna gaman af því að spila tölvuleiki í frímtímanum. „Við erum nokkrir saman alltaf í Fortnite,“ sagði Björn sem var fljótur til svara þegar blaðamaður spurði hvernig það gengi:
„Það gengur ekki nógu vel. Við erum ekki komnir inn í þetta nógu vel. Maður er að æfa sig og svo vonandi í enda ferðar getur maður verið sáttur með sína frammistöðu þar,“ sagði hann brosandi.
Knattspyrnumenn – og fleiri til vitanlega – hafa margir gaman af því að spila hinn vinsæla FIFA-tölvuleik en Björn segist ekki vera á heimavelli þar. „Við erum lítið búnir að vera í FIFA, allavega ég, við erum meira í skotleikjum að spila sama þar,“ sagði Björn en Fortnite er leikur sem notið hefur gífurlegra vinsælda að undanförnu.
