Markvörður Haítí gerðist sekur um ansi stór mistök í gærkvöldi þegar Haítí mætti Kanada í undankeppni HM sem fer fram í Katar á næsta ári. Kanada vann leikinn 3-0 en fyrsta mark þeirra var ansi skrautlegt.
Markvörðurinn fékk sendingu til baka frá varnarmanni liðs síns en misreiknaði sig eitthvað og náði ekki að taka á móti boltanum sem lak löturhægt til hans. Hann hljóp þá til baka og ætlaði að sparka boltanum í burtu en hitti hann aftur ekki.
😳 One of the worst goalkeeper mistakes we’ve ever seen. pic.twitter.com/N0xNs3HmS8
— SPORF (@Sporf) June 16, 2021
Einhverjir segja að þetta sé skýrt dæmi um veðmálasvindl og vilja meina að þetta sé nú ríkasti maður Haítí. Mistökin eru svo fáránleg að þau verða að öllum líkum rannsökuð af CONCACAF (The Confederation of North, Central America and Caribbean Association Football)
