Jurgen Klopp, stjóri Liverpool, hefur tjáð sig um mistök markmannsins Adrian sem hann gerði í leik gegn Atletico Madrid í gær.
Adrian átti misheppnaða sendingu í framlengingu sem Marcos Llorente nýtti sér og skoraði fyrir Atletico sem sló Liverpool úr leik með 3-2 sigri.
,,Fótboltinn sem við spiluðum var stórkostlegur en sending Adrian var það ekki,“ sagði Klopp.
,,Ég elska drenginn en þetta var röng ákvörðun. Það var of auðvelt fyrir þá að klára þetta verkefni.“
,,Við kennum engum um. Hann er maður og veit af mistökunum. Við dæmum hann ekki.“
