Telma Huld Jóhannesdóttir, aðalleikkona myndarinnar Eden, mætti í viðtal í nýjasta þætti Bíóhornsins en Eden er frumsýnd föstudaginn 10. maí.

Eden er villt blanda af spennu og kómík en hún segir frá parinu Lóu og Óliver sem framfleytir sér með fíkniefnasölu en þráir ekkert heitar en að elta drauma sína. Þegar þau lenda upp á kant við undirheimaöflin ákveða þau að taka málin í sínar hendur og hefst þá barátta upp á líf og dauða.