Veiðin á Þingvöllum hefur verið fín í sumar og margir veitt vel bæði af urriða, bleikju og murtunni. Þessir ungu veiðimenn, synir Einar Páll Garðasonar veiðimanns, kippa í kynið með veiðiskapinn og voru á veiðislóðum fyrir fáum dögum og veiddu sína fyrstu fiska.
Bræðurnir Hrólfur og Kristófer eru nýlega orðnir 5 ára og strax farnir að höggva skarð í murtu stofninn á Þingvöllum í sinni fyrstu veiðiferð. Stórefnilegir veiðimenn þarna á ferðinni og rétt að byrja veiðiskapinn.
Mynd. Hrólfur og Kristófer með flotta veiði á Þingvöllum. Mynd Einar.
