Lögreglan í New York ríki handtók föður 9 ára stúlku nokkrum klukkustundum eftir að hann lýsti því yfir að stúlkan hefði verið numin á brott. Stúlkan, Melina Frattolin, fannst látin.

Þetta kemur fram á vef Daily Mail.

Tilkynnt var um hvarf stúlkunnar á laugardag. Faðir hennar, Luciano Frattolin, sagði lögreglunni í New York að hann teldi að aðili á hvítum sendibíl hefði numið dóttur hans á brott.

En Daily Mail hefur heimildir fyrir því að faðirinn situr núna í gæsluvarðhaldi í Essex-sýslu í New York ríki. Hefur verið birt fangamynd af honum.

Lögregla hafði áður gefið út yfirlýsingu þar sem segir að ekkert bendi til þess að barnið hafi verið numið á brott af hálfu þriðja aðila og að hún hafi fundist látin í bænum Ticonderoga. Líkfundurinn átti sér stað í um 45 km fjarlægð frá þeim stað þar sem faðirinn tjáði lögreglu að síðast hefði sést til barnsins.

Lögregla hefur greint frá því að bæði Luciano Frattolin og dóttir hans séu kanadískir ríkisborgarar. Frattolin fann upp og framleiðir kaffitegundina Gambella, sem er lífræn kaffitegund.

Sjá nánar um málið hér.