Alice Mackey, 42 ára gömul, hefur játað að hafa banað tveggja ára dóttur sinni. Barnið fannst þungt haldið í tjörn í Kingsley, Hampshire, á Englandi, í september árið 2023.
Litla stúlkan hér Annabel Mackey. Hún hvarf frá heimili sínu þann 10 september 2023. Stuttu síðar fannst hún meðvitundarlaus í Kingley-tjörn. Hún var flutt á gjörgæsludeild sjúkrahúss í alvarlegu ástandi og lést samdægurs.
Móðirin var síðan ákærð vegna láts barnsins. Fyrir Konunglega dómstólnum í Winchester í dag lýsti hún sig seka af ákæru um manndráp. Hún var hins vegar ekki ákærð fyrir morð að yfirlögðu ráði. Vegna andlegs ástands hennar var talið að hún hefði ekki að fullu getað borið ábyrgð á gjörðum sínum en þó var hún metin sakhæf.
Refsing yfir Alice Mackey verður ákvörðuð þann 6. október næstkomandi. Fram að að þeim tíma mun hún sitja í gæsluvarðhaldi.
