fbpx
Fimmtudagur 03.apríl 2025
Pressan

Meintri nasistakveðju Musk varpað á verksmiðju Tesla í Berlín

Pressan
Fimmtudaginn 23. janúar 2025 10:47

Mynd/Zentrum für Politische Schönheit

Ekki missa af Helstu tíðindum dagsins í pósthólfið þitt

Lesa nánar

Auðkýfingurinn Elon Musk setti allt á hliðina með ræðu sinni á samkomu Repúblikana í kjölfar innsetningarathafnar Donald Trump á mánudaginn. Það voru ekki efnistökin sem vöktu svona mikla athygli heldur handahreyfingar auðkýfingsins sem margir telja að hafi falið í sér nasistakveðju.

Musk lagði fyrst aðra hönd sína á hjartastað og rétti svo hendina stífa út með lófann niður. Áður en hann gerði þetta sagði hann í ræðu sinni:

„Ég vil bara þakka ykkur fyrir að gera þetta [sigur Trump í kosningunum] að veruleika.“

Síðan gerði hann þessa umdeildu hreyfingu fyrst í átt til áhorfenda fyrir framan hann og næst sneri hann sér við og endurtók hreyfinguna fyrir áhorfendurna fyrir aftan.

Að því loknu bætti hann við: „Hjartað mitt er með ykkur.“

Málið hefur vakið heimsathygli og í gær hafði meintri nasistakveðju Musk verið varpað utan á verksmiðju bílaframleiðslu hans, Tesla, í Berlín. Tveir aðgerðahópar segjast bera ábyrgð á þessum gjörningi, annars vegar breski hópurinn Led By Donkeys og þýski hópurinn Zentrum für Politische Schönheit.

Sumir telja að Musk hafi í raun ætlað sér að senda áhorfendum hjarta sitt með táknrænum hætti. Aðrir segja það langsótta réttlætingu. Hægrimenn á samfélagsmiðlinum X hafa farið mikinn og gagnrýna vinstrimenn fyrir að uppnefna auðkýfinginn sem nasista. Stuðningsmenn Musk hafa til dæmis birt myndir af frægum demókrötum með útrétta hönd, líkt og í nasistakveðjunni. Gallinn við þessa málsvörn er að þar eru ekki birtar myndbönd því þegar myndböndin eru borin saman sést eðlismunur á handahreyfingunum. Hakkarahópurinn Anonymous hefur birt eftirfarandi samanburð:

Eins hefur verið bent á að Musk hafi áður í ræðu sent áhorfendum hjarta en þá með allt öðrum hætti.

Musk gefur lítið fyrir gagnrýnina og hefur hvatt vinstrimenn til að finna sér eitthvað annað að gera en að uppnefna fólk sem nasista.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Lögregla birtir myndir úr hryllingshúsinu í Connecticut – Hélt stjúpsyni sínum föngnum í 20 ár

Lögregla birtir myndir úr hryllingshúsinu í Connecticut – Hélt stjúpsyni sínum föngnum í 20 ár
Pressan
Fyrir 2 dögum

„Breaking Bad“ aðdáandi handtekinn – Tók þættina sér til fyrirmyndar

„Breaking Bad“ aðdáandi handtekinn – Tók þættina sér til fyrirmyndar
Pressan
Fyrir 2 dögum

Elon Musk reynir að múta kjósendum og kvartar undan gagnrýni í sinn garð – „Hver gleðst yfir svona?“

Elon Musk reynir að múta kjósendum og kvartar undan gagnrýni í sinn garð – „Hver gleðst yfir svona?“
Pressan
Fyrir 2 dögum

Telja að lík Émile litla hafi verið geymt í frosti

Telja að lík Émile litla hafi verið geymt í frosti
Pressan
Fyrir 3 dögum

Ný rannsókn – Erfðir skipta meira máli en það sem þú borðar

Ný rannsókn – Erfðir skipta meira máli en það sem þú borðar
Pressan
Fyrir 3 dögum

Hversu oft á að skipta á rúminu?

Hversu oft á að skipta á rúminu?
Pressan
Fyrir 4 dögum

Sakamál: Brúðkaupsafmælið breyttist í martröð

Sakamál: Brúðkaupsafmælið breyttist í martröð
Pressan
Fyrir 4 dögum

Á að búa um rúmið á hverjum morgni?

Á að búa um rúmið á hverjum morgni?