Bandaríska alríkislögreglan FBI handtók nýlega farþega um borð í skemmtiferðaskipi, sem var á siglingu í Karíbahafi, fyrir að hafa komið falinni myndavél fyrir á einu salerni skipsins.

The Washington Post segir að rannsókn FBI hafi leitt í ljós að myndir af rúmlega 150 manns hafi verið í vélinni, þar á meðal mörgum börnum. Maður er grunaður um tilraun til að verða sér úti um myndefni sem átti að nota til kynferðisbrota gagnvart þeim.

Hinn handtekni heitir Jeremy Froias. Hann starfaði sem netöryggisfræðingur hjá sveitarfélagi í Flórída fram að handtökunni.

Hann hefur verið kærður fyrir að vera með ólöglegar upptökur í fórum sínum og tilraun til að verða sér úti um myndefni sem átti að nota til að misnota börn.

The Washington Post segir að fyrsta upptakan í vélinni sýni Froias fela hana og stilla hana þannig að hún vísi á klósett.

Vélin tók upp salernisferðir rúmlega 150 manns, þar af rúmlega 40 barna, áður en hún fannst.

Það var árvökull farþegi sem uppgötvaði vélina og gerði áhöfn skipsins viðvart.