Liðsmenn hryðjuverkasamtakanna sem kenna sig við Íslamska ríkið réðust í gær á fangelsi á yfirráðasvæði Kúrda í Sýrlandi. Þeir náðu að frelsa ótilgreindan fjölda öfgamanna.

 Bílsprengja var sprengd nærri inngangi Ghwayranfangelsins og síðan sprakk önnur sprengja ekki fjarri. Í kjölfarið réðust vígamenn úr röðum Íslamska ríkisins á öryggissveitir Kúrda sem reka fangelsið og sjá um gæslu þar.

Ótilgreindum fjölda fanga tókst að sleppa að því er segir í frétt AFP.

Fólk frá rúmlega 50 ríkjum er vistað í fangelsinu en í heildina eru um 12.000 liðsmenn Íslamska ríkisins í haldi í Sýrlandi.