Þó ekki enn sé vika liðin af árinu 2021 hefur umdeildasta listaverk ársins mögulega þegar verið birt. Með þessum orðum hefst grein eftir blaðamanninn Kabir Jhala á The Art Newspaper þar sem hann fjallar um 33 metra steypta risapíku.
Verkið er eftir brasilísku listakonuna Juliana Notari, gerð þess hefur staðið yfir í ellefu mánuði og er það staðsett í grösugri brekku í sérstökum skúlptúrgarði. Juliana birti myndir af verkinu á Facebooksíðu sinni þar sem harkalegar umræður hafa skapast og fólk ýmist lofar eða lastar verkið.
Listaverkið ber nafnið „Diva“ og segir Juliana það ögra hugmyndum um birtingamyndir kynjanna í nútímasamfélagi.
Julia segir á Facebook að sérstaklega mikilvægt sé að setja þessi málefni á oddinn nú í stjórnartíð Jair Bolsonari, forseta Brasilíu, sem sagði nýverið að hann myndi aldrei samþykkja lögleiðingu fóstureyðinga.
https://www.facebook.com/juliana.notari/posts/10219401789651753
