fbpx
Miðvikudagur 14.apríl 2021

Ítalskur hjúkrunarfræðingur sýnir raunveruleikann á bak við vinnu á kórónuveirudeild

Guðrún Ósk Guðjónsdóttir
Miðvikudaginn 11. mars 2020 11:00

Alessia er mjög marin eftir hlífðarbúnað sem hún þarf að klæðast í vinnunni.

Ekki missa af Helstu tíðindum dagsins í pósthólfið þitt

Lesa nánar

Ítalskur hjúkrunarfræðingur sem vinnur á kórónuveirudeild hefur birt mynd á Instagram sem sýnir hvaða áhrif vinnan er að hafa á hana.

Alessia Bonaria deildi mynd af andliti sínu sem er mjög bólgið og marið. Alessia er marin í kringum augun, á nefinu og enninu. Hún segir ástæðuna fyrir því vera hlífðarbúnaður sem passar illa á hana.

Með myndinni skrifar hún að hún sé „hrædd,“ stöðugt þreytt og undir gríðarlegri pressu við að hugsa um sjúklinga með COVID-19.

„Ég er hrædd við að fara í vinnuna. Ég er hrædd um að andlitsgríman losni frá andliti mínu eða að ég snerti mig óvart með óhreinum hönskum. Ég er líkamlega þreytt því hlífðarbúnaðurinn er lélegur. Ég svitna undan jakkanum og þegar ég er komin í hlífðarfatnaðinn get ég ekki farið á klósettið eða fengið mér að drekka í sex klukkutíma,“ segir hún.

„Ég er líka andlega þreytt, það eru samstarfsfélagar mínir líka, sem hafa verið í sömu aðstæðum í nokkrar vikur. En þetta mun ekki hindra okkur í að sinna starfi okkar, eins og við höfum alltaf gert. Ég mun halda áfram að hugsa um sjúklingana mína því ég er stolt og elska starfið mitt.“

Alessia biður fólk um að halda sig heima fyrir.

„Ég vil biðja þau sem lesa þessa færslu að pirra sig ekki á varúðarráðstöfunum sem við höfum gert, að vera óeigingjörn og halda sig heima fyrir og þar með vernda þau sem eru í mestri hættu […] Ég þarf að sinna mínu hlutverki, ég bið þig um að sinna þínu.“

Færslan hennar hefur vakið mikla athygli og hafa yfir 539 þúsund manns líkað við hana.

Ítalía er með næst flest smit í heiminum á eftir Kína. Rúmlega tíu þúsund smit hafa greinst. Strangt ferðabann er nú í gildi á nokkrum svæðum á Norður-Ítalíu og um fjórðungur ítölsku þjóðarinnar er í sóttkví.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 3 klukkutímum

Eftir erfiða tíma eru Rússar agndofa eftir þessar brellur Arnórs Sig

Eftir erfiða tíma eru Rússar agndofa eftir þessar brellur Arnórs Sig
Fókus
Fyrir 3 klukkutímum

Mick Jagger og Dave Grohl tækla Covid með einstökum hætti

Mick Jagger og Dave Grohl tækla Covid með einstökum hætti
Fókus
Fyrir 15 klukkutímum

5 algengar typpastærðir og hvernig á að nota þær

5 algengar typpastærðir og hvernig á að nota þær
433Sport
Fyrir 15 klukkutímum

Telur að tap Bayern í kvöld marki upphafið af endalokum Hansi Flick með liðið – Gæti stýrt þýska landsliðinu gegn Íslandi í Reykjavík

Telur að tap Bayern í kvöld marki upphafið af endalokum Hansi Flick með liðið – Gæti stýrt þýska landsliðinu gegn Íslandi í Reykjavík

Tarot Spil

Veldu þér spil og sjáðu spádóm þinn.