Tónlistarkonan Lady Gaga hefur mölvað upp stemninguna á ófáum rauðum dreglum í gegnum tíðina með frumlegum og djörfum dressum en lét lítið fyrir sér fara í matarleiðangri um helgina.
Gaga og kærastinn, Michael Polansky, sáust klyfjuð góðgæti frá ítölskum veitingastað á leiðinni heim til hennar í Malibu þar sem þau hafa búið saman frá því að Covid-19 faraldurinn brast á. Fregnir úr herbúðum vina hennar herma að strangar reglur faraldursins hafi aðeins styrkt samband Gaga og Michael sem hafa verið saman um hríð en fyrsta myndin af þeim dúkkaði upp í byrjun febrúar.
Lady Gaga er nánast óþekkjanleg í drapplitum leggings og magabol en klikkar ekki á háu hælunum og andlitsgrímunni eins og samviskusömum stjörnum sæmir. Það eru ekki allir sem geta látið drappaðar leggings líta svona vel út. Þær eru hreinlega á litin eins og gamalt pasta. En engu að síður lítur stórstjarnan stórkostlega út.
Það er því nokkuð ljóst að einhverjar stjörnur hafa tekið róinni sem fylgdi faraldrinum feigins hendi og njóta þess að slaka á heima fyrir, lausar við streituna sem fylgir stjörnustússinu. Nú er mál málanna að halda í nýfundna ró og láta ekki streituna gleypa sig að nýju.
