Giftur fertugur karlmaður leitar ráða hjá Deidre, kynlífs- og sambandsráðgjafa The Sun.
„Ég er mjög hrifinn af konum, en mig langar alveg rosalega að prófa að stunda kynlíf með karlmanni. Ætli ég sé ekki hamingjusamlega giftur,“ segir hann.
„Ég hef mælt mér mót við karlmenn í nokkur skipti en alltaf hætt við á síðustu stundu. Kynhneigð mín ruglar mig í ríminu. Ég laðast að konum og mjög falleg kona kveikir í mér. Mér þykir karlmenn ekki aðlaðandi en mér þykir hugmyndin um kynlíf með karlmanni mjög æsandi og ég horfi á mjög mikið hommaklám.“
Maðurinn segist ekki vilja halda framhjá eiginkonu sinni. „En kynlíf með henni er svo leiðinlegt. Hún er 42 ára og við stundum aðeins kynlíf tvisvar í mánuði. Ég hef gaman af því að klæðast undirfötum og prófa kynlífsleikföng. Konan mín veit af því en er alveg sama því þá er ég ekki að trufla hana og biðja um kynlíf.“
Deidre segir:
„Við veljum ekki kynhneigð okkar en það afsakar ekki framhjáhald. Tilraunastarfsemi þín truflar ekki eiginkonu þína og það myndu margir öfunda þig fyrir það. Ef þú eyðileggur líf þitt núna til að stunda kynlíf með karlmanni þá gætirðu orðið mjög einmana þar sem þér þykir karlmenn ekki aðlaðandi.“
