Dagur B. Eggertsson, alþingismaður og fyrrverandi borgarstjóri, segir að það ætti að vera flestum fagnaðarefni að forseti framkvæmdastjórnar ESB hafi sótt Ísland heim. Undanfarið hafi ríki ESB snúið bökum saman innan NATO vegna breyttrar stöðu í öryggis- og varnarmálum. Í aðsendri grein í Morgunblaðinu segir Dagur dapurlegt að fylgjast með viðbrögðum stjórnarandstöðunnar við heimsókninni:

„Breytt um­hverfi í ör­ygg­is- og varn­ar­mál­um birt­ist víða. Marg­ir okk­ar helstu banda­manna inn­an NATO, sem standa utan ESB, hafa að und­an­förnu gert samn­inga við sam­bandið á sviði ör­ygg­is- og varn­ar­mála. Þeirra á meðal eru Nor­eg­ur og Kan­ada. Það hef­ur verið held­ur sorg­legt að fylgj­ast með viðbrögðum stjórn­ar­and­stöðunn­ar á þingi við því að ís­lenskra hags­muna sé gætt á sama hátt. Það virðist mjög viðkvæmt í póli­tík­inni að stíga skref til nán­ara Evr­ópu­sam­starfs, utan ESB, sem er þó bæði eðli­legt og rétt í ljósi stöðunn­ar. Evr­ópa og ESB deil­ir í flestu gild­um og lífs­sýn með okk­ur Íslend­ing­um. ESB er nú sterk­asti mál­svari alþjóðalaga, viðskiptafrels­is, full­veld­is­rétt­ar ríkja og hefðbund­inna reglna í sam­skipt­um þjóða sem við Íslend­ing­ar eig­um allt und­ir. Þá má ekki gleyma því að til Evr­ópu selj­um við yfir 70% af út­flutn­ings­vör­um okk­ar. Evr­ópa er því okk­ar nátt­úru­legi bandamaður.“

Um þróun mála innan NATO undanfarið segir Dagur:

„Ýmsir spáðu jafn­vel enda­lok­um banda­lags­ins fyr­ir ör­fá­um mánuðum. Ástæðan var meðal ann­ars ýms­ar yf­ir­lýs­ing­ar og bein­ar og óbein­ar hót­an­ir Banda­ríkja­for­seta gagn­vart Kan­ada og Græn­landi. Ljóst er að ekki hef­ur öll­um spurn­ing­um verið svarað þótt banda­lagið hafi þétt raðirn­ar á ný­af­stöðnum leiðtoga­fundi. Á hon­um varð end­an­lega ljóst að þjóðir Evr­ópu hafa tekið hönd­um sam­an um að efla varn­ir sín­ar, auka fjár­magn til varn­ar­mála og axla nú meiri ábyrgð á stuðningi við Úkraínu. Hitt er óbreytt. NATO verður áfram sam­eig­in­leg­ur meg­in­vett­vang­ur varn­ar­sam­starfs þótt Evr­ópa og ESB muni hafa rík­ara hlut­verki að gegna.“

Í lok greinar sinnar bendir Dagur á að þjóðin muni eiga síðasta orðið um aðild Íslands að ESB og framhald aðildarviðræðna:

„Um það er stjórn­arsátt­máli rík­is­stjórn­ar Sam­fylk­ing­ar, Viðreisn­ar og Flokks fólks­ins skýr. Um þá nálg­un ætti að geta skap­ast víðtæk sátt. Og við blas­ir að margt tal­ar fyr­ir því að spyrja þjóðina fyrr en seinna.“