Norska hugbúnaðarfyrirtækið Maritech hefur keypt Sea Data Center að fullu. Árið 2019 keypti Maritech, sem hefur þjónustað sjávarútveginn í rúm 40 ár, helmingshlut í fyrirtækinu en stígur nú skrefið til fulls. Þetta kemur fram í fréttatilkynningu sem send var á fjölmiðla.

„Greining gagna hefur orðið æ ríkari þáttur í vöruflóru Maritech enda er öflun gagna, hvort sem frá eigin rekstri eða frá iðnaðinum, úrvinnsla og samanburður mjög mikilvægur þáttur í rekstri fyrirtækja. Þjónustur Sea Data Center munu sameinast vöruflokki greiningar hjá Maritech og styrkja þá þjónustu Maritech enn frekar,“ segir í tilkynningunni.