Tónskáldið Hildur Guðnadóttir hefur svo sannarlega heillað heimsbyggðina upp úr skónum síðustu vikur og mánuði. Hennar heittelskaði, tónskáldið Sam Slater, hefur staðið sem klettur við bak hennar. Því datt DV í hug að rýna í stjörnumerki turtildúfnanna og athuga hvernig þær eiga saman.
Hildur er meyja og Sam er krabbi, tvö afar ólík merki enda blossar þessi ást upp hratt og örugglega. Meyjan og krabbinn þurfa smá tíma til að sjá hve góð þau eru saman, en það þýðir aðeins að sambandið verður traustara fyrir vikið.
Bæði meyjan og krabbinn eru afar metnaðarfull og hlaupa í átt að markmiðum sínum. Þau eru stoð og stytta hvort annars og virkilega trú hvort öðru. Hvorugt merkið er gefið fyrir einnar nætur gaman og því nenna þau engu haltu-mér-slepptu-mér veseni.
Bæði krabbinn og meyjan leggja hart að sér og uppskera það sem þau hafa sáð. Þau vilja ekki fá neitt gefins og geta ekki notið ríkidæmis eða velgengni án þess að vita að þau hafi unnið fyrir því.
Vissulega geta þau stundum farið í taugarnar á hvort öðru. Meyjan er ofboðslega smámunasöm oft og krabbinn mikill sveimhugi. En smáhnökrar eru auðveldlega leystir þegar sambandið er jafnsterkt og samband Hildar og Sams.
Hildur
Fædd: 4. september 1982
Meyja
-traust
-ljúf
-vinnuþjarkur
-hagsýn
-feimin
-of gagnrýnin
Sam
Fæddur: 23. júní 1989
Krabbi
-þrautseigur
-hugmyndaríkur
-traustur
-tilfinningavera
-óöruggur
-skaphundur
