Raunveruleikastjarna hefur verið harðlega gagnrýnd fyrir að búa til „bikiní“ úr andlitsgrímum. Andlitsgrímur eru af skornum skammti vegna kórónuveirunnar og þurfa heilbrigðisstarfsmenn þeim á að halda meira nú en nokkurn tíma áður.
Vanessa Sierra vakti úlfúð fylgjenda sinna á Instagram þegar hún deildi mynd af sér í bikiníi sem var búið til úr þremur andlitsgrímum. Tvær andlitsgrímur hylja brjóst hennar og ein andlitsgríma hylur kynfæri hennar.
https://www.instagram.com/p/B-tpxF1FtFd/
Með myndinni skrifaði hún: „Flestir henda andlitsgrímunum sínum í ruslið. Við endurnýtum þær.“ Hún auglýsti einnig í leiðinni OnlyFans síðuna sína, þar deilir hún nektarmyndum af sér gegn greiðslu.
Vanessa er með um 135 þúsund fylgjendur á Instagram. Fjölmargir sökuðu hana um að sóa andlitsgrímunum.
„Þannig… fólk getur ekki fundið andlitsgrímur því Vanessa er að nota þær sem bikiní,“ skrifaði einn netverji við myndina.
„Heilbrigðisstarfsfólk er að deyja vegna þess að þeim skortir hlífðarbúnað, þvílík sóun,“ skrifaði annar.
„Mjög umdeild færsla á mjög viðkvæmum tíma,“ skrifaði einn aðdáandi hennar.
Vanessa svaraði fyrir sig í kommentakerfinu og sagði að þetta væru notaðar andlitsgrímur.
„Ég er bara að reyna að slá á létta strengi í erfiðum aðstæðum. Flestir henda sínum andlitsgrímum, ég endurnýtti mínar.“
