Körfuboltakappinn Lamar Odom bað kærustu sinnar, Sabrinu Parr, í gær og hún sagði já, eins og hún segir fylgjendum sínum á Instagram frá. Lamar deildi einnig gleðifregnunum á Instagram.

„Ég kynni nýju unnustuna mína!! Hún verður bráðum frú Parr-Odom. Hún er sú eina rétta!!!!“

https://www.instagram.com/p/B4v4544pHf-/

Lamar og Sabrina sáust fyrst saman í ágúst á þessu ári og skrifaði Lamar umdeilda færslu á Instagram, sem margir töldu vera skot á fyrrverandi eiginkonu hans, raunveruleikastjörnuna Khloé Kardashian.

„Hvað gerir maður ef maður fær sér kaffi sem er of svart og því of sterkt? Maður setur smá rjóma út í það. En ef maður hellir of miklum rjóma út í það þá sér maður ekki einu sinni að þetta er kaffi,“ skrifaði hann. „Það var einu sinni heitt, en varð svalt. Það var einu sinni sterkt, varð svo veikt. Það vakti mann einu sinni en nú svæfir það mann,“ bætti hann við.“

https://www.instagram.com/p/B4v4pxJgnQa/

Gat ekki haldið typpinu í buxunum

Lamar sagði af og frá að hann væri að skjóta á Khloé, en þau voru gift á árunum 2009 til 2016. Lamar gaf nýverið út æviminningar sínar, Darkness to Light, þar sem hann fór yfir hjónaband þeirra. Körfuboltakappinn þoldi ekki frægðina sem fylgdi sambandinu.

„Um tíma var samband mitt og hennar dans á rósum og ég hef aldrei verið hamingjusamar,“ skrifar hann í Darkness to Light. „En við vorum eitt af frægustu pörunum í Hollywood og við þénuðum meiri peninga saman en við höfðum gert í sitthvoru lagi.“

Lamar segist hafa verið trúr eiginkonu sinni í fyrstu en síðan byrjað að halda framhjá.

„Ég gat ekki höndlað banvænan kokteil sviðsljóssins, fíknar, hnignandi ferils og framhjáhalds,“ skrifar hann. „Og minnsti ég á vænisýki, kvíða, þunglyndi… Ég gat ekki haldið typpinu í buxunum eða kókaíninu úr nefinu. Dópistar eru mjög hæfir í að fela fíknina. Ég fór í vörn og Khloé hætti bara að tala um þetta.“

Khloé fékk loks að vita um framhjáhaldið og lygarnar og hjónin skildu, en hún sneri ekki baki við körfuboltamanninum. Lamar lenti á sjúkrahúsi árið 2015 þegar hann tók of stóran skammt af eiturlyfjum og þá stóð Khloé þétt við bakið á honum.

„Ég man að ég vaknaði og hún sýndi mér myndir af móður minni,“ sagði Lamar í samtali við People í tengslum við útgáfu æviminninganna, en móðir hans, Cathy, lést úr krabbameini þegar hann var aðeins tólf ára gamall. „Ég var hissa yfir því hve fljótt hún sýndi mér hollustu. Ást hennar til mín hlýtur að hafa verið skilyrðislaus.“