Stórstjarnan Justin Bieber er að opna sig sem aldrei fyrr. Hann deildi mjög einlægri færslu með fylgjendum sínum á Instagram.
Hann hefur áður opnað sig um erfiðleika sína og í febrúar á þessu ári var hann í meðferð við þunglyndi.
„Ég var átján ára með enga hæfileika í raunheiminum, með milljón dollara og aðgang að hverju sem ég vildi. Það er mjög ógnvekjandi hugsun fyrir hvern sem er. Þegar ég var 20 ára hafði ég tekið allar þær slæmu ákvarðanir sem þér gæti dottið í hug og ég fór frá því að vera ein af mest elskuðu og dýrkuðu manneskjum í heiminum í að vera mesta athlægið og dæmda og hataðasta manneskja í heimi!“
Skrifaði Justin Bieber á Instagram í gær.
„Ég byrjaði að nota frekar hörð fíkniefni 19 ára og fór illa með öll sambönd mín. Ég varð móðgunargjarn og virðingarlaus gagnvart konum og reiður. Ég fjarlægðist alla sem elskuðu mig og var að fela mig á bak við skel af þeirri manneskju sem ég var orðinn að. Mér fannst eins og ég gæti aldrei snúið því við.“
En nú er byrjað að birta til hjá Justin.
„Það hefur tekið mig mörg ár að koma til baka frá öllum þessum hræðilegu ákvörðunum, laga brotin sambönd og breyta sambandshegðun minni. Sem betur fer blessaði Guð mig með mögnuðu fólki sem elskar mig fyrir mig. Nú er ég að fara í gegnum besta tímabil ævi minnar, HJÓNABAND! Sem er ótrúleg klikkuð ný ábyrgð. Þú lærir þolinmæði, traust, skuldbindingu, góðmennsku, hógværð og alla þá hluti sem það þarf til að vera góður karlmaður.“
Lestu alla færslu Justins í heild sinni hér að neðan.
https://www.instagram.com/p/B17JfkkHEKt/?utm_source=ig_embed
