Fyrirtæki stórstjörnunnar Jesse Lingard er gjaldþrota en frá þessu er greint í enskum fjölmiðlum.

Lingard er fyrrum landsliðsmaður Englands og leikmaður Manchester United en hann spilar í dag í Suður-Kóreu.

Lingard ákvað fyrir um sex árum síðan að byrja með sína eigin fatalínu ‘JLingz’ sem var nokkuð vinsæl um tíma.

Fyrirtækið hefur hins vegar skilað litlum sem engum gróða undanfarin ár og er talið skulda um 50 milljónir króna.

Lingard ákvað að nýta tækifærið eftir HM 2018 en því miður fyrir hann og hans fyrirtæki hefur salan verið afskaplega lítil undanfarin ár.

Lingard er 32 ára gamall í dag en hann á að baki 32 landsleiki fyrir England en hætti að spila með landsliðinu árið 2021.