The Upshot rifjar reglulega upp skemmtilegar sögur sem tengjast fótboltanum en gerast utan vallar. Það var tekin fyrir skemmtileg saga af Jaap Staam, sem lék með Manchester United frá 1998-2001.

Hann og leikmenn United fengu kalkún frá félaginu fyrir ein jólin og sá hann fyrir sér að geyma kalkúninn á Englandi á meðan hann skrapp að heimsækja fjölskyldu sína í Hollandi.

Faðir hans, sem var með honum í för, var ekki á þeim buxunum og mætti með kalkúninn út á flugvöll í Manchester. Á hann þar að hafa smellt honum á beltið með honum töskunum, en sú sem var að innrita þá feðga í flugið tók það auðvitað ekki í mál.

Faðir hans dó ekki ráðalaus og tókst einhvern veginn að taka kalkúninn með sem handfararngur. Þegar heim var komið matreiddi hann svo kalkúninn fyrir fjölskylduna.

Sagan segir þó að allir á heimilinu hafi fengið í magann af þessari tilteknu máltíð.