Þórarinn Hjartarson stjórnandi hlaðvarpsins, Ein Pæling, gefur lítið fyrir það að foreldrar skilgreini börnin sín nú sem íþróttafólk ef það stundar rafíþróttir.

Þórarinn er á þeirri skoðun að ekki sé hægt að kalla það íþrótt að sitja fyrir framan tölvuna.

Mikil aukning hefur orðið í því að íþróttafélög stofni rafíþróttadeild og þar koma krakkar saman og spila tölvuleiki. „Rafíþróttir, þetta eru ekkert íþróttir. Þú ert ekki íþróttamaður, þú ert tölvufíkill,“ segir Þórarinn í nýjum þætti sínum.

Hann segir foreldra leita að afsökunum fyrir börnin sín sem eru orðin háð tölvuspili.

„Við erum með foreldra sem eru að styðja við börnin sín í að verða einhverjir „íþróttamenn“. Ég þekki fólk sem var að spila á háu stigi og fékk pening, þetta eru ekki atvinnumenn. Heldur tölvufíklar.“

„Við erum búin að matreiða þannig hattinn á að við erum búin að fá íþróttafélög og foreldra með, í stað þess að taka á tölvufíkn krakkans þá er hann íþróttamaður.“

Þórarinn svo tekur svo dæmi um það hvernig krakki í fótbolta væri. „Við erum með fótboltamann, það er enginn fótboltamaður sem er 12 tíma og tekur svo brjálæðiskast ef boltinn er tekin af honum.“

Hann segir að betra væri að fólk tæki á vandamálum krakka sem eru með tölvufíkn. „Við erum alltaf að matreiða fyrir fram afsakanir, krakkanum vegnar verr og verr. Hann er orðinn tölvufíkill og ánetjast símanum, við segjum þá að hann hann þurfi að læra á símann og nei hann er íþróttamaður.“