Thomas Muller segir að það sé ekki hægt að kalla Harry Kane besta framherja heims en hann er liðsfélagi Muller hjá Bayern Munchen.

Það tengist gæðum Kane ekki neitt heldur er Muller á því máli að það sé einfaldlega ekki hægt að velja um besta sóknarmann heims – hver leikmaður hentar ákveðnu liði.

Muller hefur spilað með stórkostlegum sóknarmönnum á sínum ferli og má nefna Robert Lewandowski sem er í dag hjá Barcelona.

Muller neitaði að staðfesta það að Kane væri sá besti í heimi en hann hefur raðað inn mörkum á tímabilinu og er með tíu stykki í sex leikjum.

,,Þetta snýst ekki um að vera sá besti. Ég hef margoft verið spurður út í það hver mín uppáhalds pítsa væri eða minn uppáhalds matur – það eru bull spurningar,“ sagði Muller.

,,Þú getur spurt okkur hvaða framherji henti liðsfélögunum? Hvað er best gegn ákveðnu liði? Sá besti í heildinni? Þannig virkar það ekki.“