Besti vængmaður heims er aðeins 17 ára gamall en þetta segir Robert Lewandowski, leikmaður Barcelona.
Lewandowski segir þetta ekki að ástæðulausu en hann er þar að tala um liðsfélaga sinn Lamine Yamal.
Yamal hefur verið stórkostlegur í byrjun tímabils og var þá einnig frábær fyrir spænska landsliðið í sumar.
Lewandowski hefur bullandi trú á Yamal en varar hann við því að það sé mikilvægt að halda sama striki í mörg ár til viðbótar.
,,Auðvitað horfi ég á hann sem besta vængmann heims. Hann er þó auðvitað 17 ára gamall,“ sagði Lewandowski.
,,Knattspyrnuferillinn er þó svo langur og stundum er byrjunin ekki mikilvæg heldur hvernig þú stendur þig næstu 10-15 árin.“
,,Eftir 15 ár þá verður hann aðeins 32 ára gamall!“
