Joshua Kimmich er mögulega ekki á förum eftir allt saman en hann er leikmaður Bayern Munchen.
Frá þessu greina fjölmargir miðlar eins og Bild og Le Parisien en Kimmich var mikið orðaður við Paris Saint-Germain í sumar.
Talið var að PSG væri að tryggja sér þjónustu Kimmich sem verður samningslaus á næsta ári.
Samkvæmt nýjustu fregnum eru góðar líkur á að Kimmich klári þó samning sinn í heimalandinu og gæti farið frítt 2025.
Bayern er opið fyrir því að selja Kimmich fyrir rétt verð en það er í höndum Kimmich hvort hann semji við annað félag í sumar.
Möguleiki er á að þýski landsliðsmaðurinn vilji ekki færa sig til Frakklands og er því tilbúinn að taka slaginn með Bayern í vetur.
