Trent Alexander-Arnold var kippti á bekkinn fyrir markalaust jafntefli Englands við Slóveníu í lokaleik C-riðils á EM í gærkvöldi. Hann er þó efstur í athyglisverðum tölfræðiþætti.

Þessi leikmaður Liverpool byrjaði á miðjunni í 1-0 sigri á Serbum og 1-1 jafntefli gegn Dönum, þar sem enska liðið þótti ekki sannfærandi. Conor Gallagher kom inn fyrir hann í gær en enska liðið spilaði lítt betur. Þó hafnaði það í efsta sæti riðilsins.

Trent kom inn á seint í leiknum og hefur því spilað 129 mínútur alls á EM. Þrátt fyrir þetta er hann búinn að skapa flest færi allra enskra leikmanna á mótinu.

Trent er að upplagi bakvörður en hefur fært sig inn á miðjuna undanfarið.

Enska liðið spilar leik í 16-liða úrslitum EM á sunnudag en ekki er enn ljóst gegn hverjum.