Joan Laporta forseti Barcelona er að skoða það alvarlega að kaupa Mason Greenwood frá Manchester United í sumar. Mundo Deportivo segir frá.
Hinn 22 ára gamli Greenwood hefur svo sannarlega fundið taktinn hjá Getafe á þessu tímabili.
United er tilbúið að selja hann í sumar fyrir um 40 milljónir punda og hefur Laporta samkvæmt fréttum átt samskipti við forráðamenn Getafe.
Er hann að forvitnast um það hvernig Greenwood er innan sem utan vallar og hvernig persóna hann er.
Greenwood hefur svo sannarlega sannað ágæti sitt á láni hjá Getafe eftir átján erfiða mánuði.
Greenwood var undir rannsókn lögreglu, grunaður um gróft ofbeldi í nánu sambandi. Málið var fellt niður.
