Thomas Tuchel mun hætta með Bayern Munchen eftir tímabilið en félagið staðfesti þær fregnir í vikunni.
Gengi Bayern undir stjórn Tuchel hefur verið arfaslakt í vetur og er liðið átta stigum frá toppnum.
Christian Falk, blaðamaður BILD í Þýskalandi, segir að Tuchel hafi mikinn áhuga á að taka við Manchester United.
Erik ten Hag er núverandi stjóri United en það er ekki öruggt að hann þjálfi liðið á næsta tímabili.
Falk segir að Tuchel sé mjög opinn fyrir því að snúa aftur til Englands en hann vann Meistaradeildina með Chelsea áður hann fékk sparkið í London.
Tuchel er afar fær knattspyrnustjóri en hann hefur einnig þjálfað lið eins og Dortmund og Paris Saint-Germain á sínum ferli.
