Enska blaðið Daily Mail spyr í dag hvað sé í gangi hjá stórfyrirtækinu, Nike. Ástæðan er sú að mikið magn af íþróttafólki er hætt að klæðast vörum fyrirtækisins.
Hefur þetta verið að gerast undanfarna mánuði en stærsta fréttin var þegar Tiger Woods, hætti samningi sínum við fyrirtækið.
Í desember greindi Nike frá því að fyrirtækið þyrfti að spara 2 billjónir dollara á næstu þremur árum, reksturinn væri orðinn erfiður og salan færi minnkandi.
Í heimi knattspyrnunnar hefur þetta verið áberandi og fjöldi leikmanna er hætt að klæðast skóm frá Nike.
Má þar nefna Casemiro, Harry Kane, Lisandro Martinez, Raheem Sterling, Jack Grealish og svo miklu fleiri.
Á sama tíma eru Adidas og Puma í mikilli sókn og semja við þessa leikmenn auk þess sem ný fyrirtæki reyna að nýta sér stöðuna.
Nike greindi frá því í síðustu viku að tvö prósent af starfsmönnum fyrirtækisins yrði sagt upp en það eru um 83 þúsund starfsmenn.
