Åge Harei­de, þjálfari íslenska karlalandsliðsins, telur helmingslíkur á að Aron Einar Gunnarsson og Gylfi Þór Sigurðsson verði með í leiknum mikilvæga gegn Ísrael í undanúrslitum umspilsins um sæti á EM í Þýskalandi.

Um er að ræða tvo af okkar bestu og reynslumestu mönnum en þátttaka þeirra er í mikilli óvissu vegna meiðsla.

„Það eru helm­ings­lík­ur á að bæði Aron Ein­ar og Gylfi Þór verði klár­ir í slag­inn gegn Ísra­el,“ sagði Harei­de í sam­tali við Morg­un­blaðið í dag.

Aðrir leikmenn ættu þó að vera klárir.

„Eina óviss­an eru Aron og Gylfi en lang­flest­ir leik­menn liðsins eru að spila mjög reglu­lega með sín­um fé­lagsliðum sem eru frá­bær­ar frétt­ir fyr­ir okk­ur. Þeir eru líka að standa sig vel sem er alltaf plús. Ég hef fylgst mjög náið með leik­mönn­un­um und­an­farna mánuði og satt best að segja er ég svo gott sem bú­inn að stilla upp byrj­un­arliðinu, fyr­ir leik­inn gegn Ísra­el, í hausn­um á mér.“

Ísland mætir Ísrael þann 21. mars en sigurvegari leiksins mætir Bosníu-Hersegóvínu eða Úkraínu í úrslitaleik um sæti á EM.