Carlo Ancelotti þjálfari Real Madrid er eftirsóttur biti og landslið Brasilíu hefur beðið í fleiri mánuði í þeirri von um að ráða hann.

Brasilía ákvað að reka Tite úr starfi eftir HM í Katar sem lauk í desember.

Síðan þá hefur knattspyrnusambandið beðið eftir því að geta herjað á Ancelotti og nú gæti það farið að gerast.

Fundað verður í vikunni en Ednaldo Rodrigues forseti knattspyrnusambandsins þar í landi fundar með umboðsmanni Ancelotti í vikunni.

Samningur Ancelotti gildir í ár í viðbót og útilokar Rodrigues það ekki að bíða í ár ef ekki tekst að losa Ancelotti.

„Ég tek þá ákvörðun ekki einn um hvort við bíðum, ég ræði það við stjórnina og leikmenn. Ákvörðunin þarf að samræmast huga leikmanna. Við viljum ráða Ancelotti og við eltumst við þann draum,“ segir Rodrigues.