Íþróttavikan kemur út alla föstudaga á 433.is, Hringbraut.is og í Sjónvarpi Símans. Helgi Fannar Sigurðsson og Hrafnkell Freyr Ágústsson fá þar til sín góða gesti. Í nýjasta þættinum sat landsliðsmaðurinn Jóhann Berg Guðmundsson með þeim.
Það eru landsleikir framundan hjá karlalndsliðinu og verður Jóhann að sjálfsögðu í eldlínunni. Liðið mætir Slóvakíu 17. júní og Portúgal þremur dögum síðar.
Age Hareide er tekinn við íslenska landsliðinu og finnur liðið að sögn Jóhanns fyrir meiri jákvæðni undanfarið eftir erfiða tíma.
„Við finnum alveg fyrir því. Allt þetta rugl sem er búið að vera í gangi í kringum landsliðið, það er erfitt að vinna í svoleiðis umhverfi.
Margir hættu og máttu ekki vera valdir og það var erfitt fyrir þessa ungu leikmenn að koma inn í þannig umhverfi og mikil pressa á þeim. En nú erum við komnir með aðeins betri blöndu.“
Umræðan í heild er í spilaranum.
