Scott Sinclair fyrrum leikmaður Manchester City og Chelsea hefur sjaldan verið í betra formi nú þegar hann er 32 ára gamall.

Sinclair er í dag á mála hjá Bristol Rovers en hann hefur átt nokkuð farsælan feril.

Leikonan, Helen Flanagan ákvað að skilja við Sinclair í vetur en hann hefur nýtt tímann eftir það til að koma sér í svakalegt stand.

Sinclair hefur birt mynd af sér berum að ofan en hann er staddur í sumarfríi með fjölskyldu sinni í Dubai.

Sinclair var ungur að árum hjá Chelsea en lék ekki mikið, hann gerði vel hjá Swansea og var keyptur til Manchester City árið 2012.

Sinclair fór svo til Aston Villa og þaðan til Celtic þar sem hann var öflugur. Hann fór svo fyrir síðasta tímabil til uppeldisfélagsins, Bristol þar sem hann er í dag.