Leon Bail­ey, leik­maður enska úr­vals­deildar­fé­lagsins Aston Villa og lands­liðs­maður Jamaíka gæti hafa verið að koma sér í mikinn klandur eftir að myndir og mynd­band af honum anda að sér hlátur­gasi fóru í dreifingu á sam­fé­lags­miðlum.

Það er The Sun sem greinir frá mála­vendingunum en á myndunum, sem teknar voru snemma morgun eftir partý­stand, má sjá Bail­ey vera far­þegi í bif­reið þar sem hann heldur á stórri blöðru.

Heimildir The Sun herma að leik­maðurinn hafi farið í af­mælis­veislu hjá vini sínum eftir sigur Aston Villa gegn E­ver­ton á dögunum, partýstandið hafi þá haldið á­fram langt fram á morgun en á myndunum og mynd­skeiðinu má sjá að þær voru teknar klukkan 07:19 í Birming­ham.

Það var stuðnings­maður Aston Villa, John Parry sem sendi um­rætt mynd­band til The Sun, hann á ungan strák.

,,Sonur minn dýrkar Bail­ey og á treyju merkta honum. Þessi hegðun er for­kastan­leg.

Hann á að heita at­vinnu­maður og fyrir­mynd en hefur brugðist sjálfum sér sem og fé­laginu. Svona á­byrgðar­laus hegðun má ekki við­gangast án refsingar.“

Auk þess að vera leik­maður Aston Villa er Bail­ey lands­liðs­maður Jamaíka. Eyja­maðurinn Heimir Hall­gríms­son er lands­liðs­þjálfari Jamaíka.