Knattspyrnulýsandinn Andy Gray segist hafa verið nálægt því að taka eigið líf eftir að hann var rekinn frá Sky Sports.
Hinn 66 ára gamli Gray starfar nú við knattspyrnuumfjöllun í katörsku höfuðborginni Doha. Með honum er Richard Keyes, sem einnig var látinn fara frá Sky Sports á sínum tíma. Þeir félagar eru í viðtali hjá Piers Morgan.
Gray og Keyes voru látnir fara frá Sky Sports vegna niðrandi ummæli um línuvörðinn Sian Massey-Ellis, er hún var við störf á fótboltaleik sem þeir lýstu.
Þeir héldu að slökkt væri á hljóðnemum þeirra en allt sem þeir sögðu heyrðist. „Það þarf einhver að fara og útskýra rangstöðuregluna fyrir henni,“ sagði Keyes. „Trúir þú þessu? Kvenkyns línuvörður,“ sagði Gray.
Gray viðurkennir að hafa átt erfitt eftir brottreksturinn.
„Ég hef átt yndislegt líf, verið heppinn. Ég var knattspyrnumaður í sautján ár og það var frábært, bestu ár lífs míns. Ég starfaði fyrir nýja stöð sem átti eftir að breyta knattspyrnuumfjöllun, sem hún gerði á þeim tuttugu árum sem ég var þar.“
Gray segist hafa íhugað að taka eigið líf. Hann eigi eiginkonu sinni hins vegar mikið að þakka.
„Ég var á mjög dimmum stað. Húsið var umkringt fólki og ég vissi að ég hefði gert eitthvað rangt, auðvitað. Hausinn minn var algjörlega farinn og ef það hefði ekki verið fyrir eiginkonu mína þá veit ég ekki hvað hefði gerst. Rachel er yndisleg.
Einn daginn var ég nálægt því að fara út í garð með flösku og nokkrar pillur. Þetta var það slæmt. Fólk sem þekkir mig heldur líklega að ég sé að grínast.“
Núna er Gray hins vegar kominn á betri stað.
„Þetta var hræðilegt og ég gat ekki áttað mig á þessu. Ég hafði gert ranan hlut en í tvær vikur komst ég ekki út úr húsi. Það var allt út í fjölmiðlafólki og myndavélum. Þetta var mjög skrýtið en ég er kominn yfir þetta núna.“
"I was close to going down the garden where I had my pool with a little bottle and a few pills."
Andy Gray tells Piers Morgan he was suicidal after being sacked over sexist comments in 2011.@piersmorgan | @richardajkeys | @TalkTV | #PMUQatar pic.twitter.com/Y4Ywk8uiwz
— Piers Morgan Uncensored (@PiersUncensored) November 28, 2022
