Enska knattspyrnusambandið hefur ákært Cristiano Ronaldo fyrir óæskilega háttsemi vegna atviks eftir leik Manchester United og Everton í vor, þar sem hann sló síma úr höndum einhverfs drengs.
Ronaldo var pirraður eftir 1-0 tap gegn Everton. Þegar leikmenn gengu af velli virtist Ronaldo slá einhverju frá sér. Það var síðar staðfest að það var sími hins 14 ára gamla Jacob.
Ronaldo baðst síðar afsökunar á atvikinu og sagðist geta boðið Jacob á leik á Old Trafford. Móðir drengsins hefur ekki samþykkt það hingað til og hefur áður sakað leikmanninn um stæla í samskiptum sínum við hana.
Hún segir að hann hafi verið virkilega hrokafullur. Sarah lýsir því þegar Ronaldo hringdi í hana. Hann hafi ekki iðrast og haldið því fram að hann hafi „sparkað í eða lamið neinn.“
Manchester United hefur gefið út yfirlýsingu, þar sem félagið staðfestir að það munu styðja við bakið á Ronaldo er hann bregst við ákærunni.
Lögreglan rannsakaði málið í vor en þá slapp Ronaldo með aðvörun.