Florent Malouda, fyrrum leikmaður Chelsea, hefur tjáð sig um brottrekstur Thomas Tuchel frá félaginu.

Tuchel var mjög óvænt rekinn frá Chelsea í gær en þessi ákvörðun var víst rædd af stjórn félagsins í dágóðan tíma eftir erfiða byrjun á tímabilinu.

Malouda segir að þetta sé gróf ákvörðun af hálfu eigenda Chelsea og er bæði spenntur og áhyggjufullur fyrir framhaldinu.

,,Þetta hefur verið mjög sigursæll tími, ég er að tala um stjórann,“ sagði Malouda í samtali við BBC.

,,Þú færð aldrei tíma, það er raunveruleikinn. Þetta var mjög gróf ákvörðun, þannig horfi ég á þetta í fyrstu sýn.“

,,Ég er forvitinn hvað gerist næst en einnig áhyggjufullur. Við erum að tala um stjóra sem gerði mjög vel en náði ekki að endast.“