Fram 0 – 2 Breiðablik
0-1 Sölvi Snær Guðbjargarson(’56)
0-2 Höskuldur Gunnlaugsson(’83)
Breiðablik vann sterkan sigur í Bestu deild karla í kvöld er liðið spilaði við Fram á útivelli.
Blikar gátu endurheimt sex stiga forystu á toppnum með sigri í kvöld og var það nákvæmlega það sem þeir grænklæddu gerðu.
Sölvi Snær Guðbjargarson og Höskuldur Gunnlaugsson gerðu mörk Blika í 2-0 sigri á Fram sem er í sjöunda sæti deildarinnar.
Framarar léku manni færri frá 70. mínútu en Jesus Yendis fékk þá að líta beint rautt spjald.
