Harry Maguire, fyrirliði Manchester United, viðurkennir í samtali við BBC að hafa „líkað við“ færslu á Instagram þar sem vefsíðan Sportbible fjallaði um það að Cristiano Ronaldo, leikmaður Man Utd, væri ósáttur með að þurfa að taka á sig launalækkun.
Laun allra leikmanna lækkuðu um 25% er Man Utd missti af Meistaradeildarsæti á síðustu leiktíð. Liðið hafnaði í sjötta sæti og olli miklum vonbrigðum. Sjálfur átti Ronaldo fínasta tímabil.
Ronaldo sneri aftur til Man Utd í fyrra, tólf árum eftir að hann yfirgaf félagið fyrir Real Madrid. Hann samdi um að þéna 480 þúsund pund á viku hjá félaginu. Það þýðir að laun hans hafa, með 25% lækkuninni, lækkað um 120 þúsund pund og eru nú 360 þúsund pund á viku.
Ronaldo er sterklega orðaður frá Man Utd um þessar mundir og er þetta sögð stóð ástæða fyrir því.
Maguire segir við BBC að hann hafi óvart „líkað við“ færslu Sportbible um Ronaldo.
