AC Milan er búið að festa kaup á ítalska landsliðsmanninum Alessandro Florenzi.
Þetta hefur ítalska félagið staðfest en hann spilaði með meisturunum á láni frá Roma á síðustu leiktíð er titillinn vannst.
Florenzi spilaði 24 leiki fyrir Milan í deild og skoraði tvö mörk og kostar félagið tæplega fimm milljónir evra.
Florenzi hafði spilað með Roma alveg frá árinu 2002 en var lánaður til Valencia árið 2020 og svo PSG árið 2021.
Hann á að baki 49 landsleiki fyrir Ítalíu og yfir 220 leiki fyrir Roma í Serie A.