KV vann heldur betur óvæntan sigur í Lengjudeild karla í kvöld er liðið spilaði við Vestra á útivelli í einum af fjórum leikjum kvöldsins.

KV hafði aðeins unnið einn leik fyrir leikinn gegn Vestra en gerði sér lítið fyrir og skoraði fjögur mörk í 4-2 sigri.

Vestri lenti 4-0 undir á heimavelli í þessum leik en tókst að klóra í bakkann og laga stöðuna í 4-2.

Fylkir og Aftureldning gerðu dramatískt jafntefli þar sem Fylkismenn komust í 2-0 og var útlitið lengi vel bjart.

Elmar Kári Enesson Cogic lagaði stöðuna fyrir Aftureldingu á 50. mínútu og tryggði vítaspyrna svo liðinu stig á 93. mínútu í uppbótartíma.

Topplið Selfoss þurfti einnig að sætta sig við eitt stig gegn Grindavík en leiknum í Grindavík lauk með 2-2 jafntefli.

Kórdrengir unnu þá lið Gróttu 1-0 þar sem Óskar Atli Magnússon gerði eina markið.

Vestri 2 – 4 KV
0-1 Björn Axel Guðjónsson (’12)
0-2 Björn Axel Guðjónsson (’41)
0-3 Grímur Ingi Jakobsson (’53)
0-4 Grímur Ingi Jakobsson (’61)
1-4 Deniz Yaldir (’63)
2-4 Pétur Bjarnason (’67)

Fylkir 2 – 2 Afturelding
1-0 Mathias Laursen (’14)
2-0 Orri Sveinn Stefánsson (’21)
2-1 Elmar Kári Enesson Cogic (’50)
2-2 Aron Elí Sævarsson (’93, víti)

Grindavík 2 – 2 Selfoss
0-1 Valdimar Jóhannsson (’18)
1-1 Símon Logi Thasaphong (’52)
1-2 Gonzalo Zamorano (’55)
2-2 Dagur Ingi Hammer Gunnarsson (’72)

Kórdrengir 1 – 0 Grótta
1-0 Óskar Atli Magnússon (‘7)