Arsenal ku vera að skoða stöðu sóknarmannsins Serge Gnabry ef marka má enska miðla í dag.

Gnabry er á mála hjá Bayern Munchen en hann yfirgaf Arsenal til að semja í Þýskalandi fyrir sex árum síðan.

Síðan þá hefur Gnabry verið frábær fyrir Bayern og skorað 64 mörk í 171 leik og einnig lagt upp önnur 40.

Gnabry á aðeins ár eftir af samningi sínum við Bayern og er ekki víst að þýska stórliðið framlengi hann.

Arsenal er að leita að vængmanni fyrir næsta tímabil og horfði lengi til Raphinha hjá Leeds sem er á leið til Chelsea.

Gnabry er sjálfur búinn að missa byrjunarliðssæti sitt á Allianz Arena og er opinn fyrir því að semja annars staðar.