Paris Saint-Germain hefur staðfest komu miðjumannsins Vitinha en hann gengur í raðir liðsins frá Porto.
Um er að ræða 22 ára gamlan leikmann sem kostar PSG 40 milljónir evra og gerir hann fimm ára samning.
Vitinha spilaði alls 59 leiki fyrir Porto á sínum tíma þar og skoraði fjögur mörk. Hann spilaði sinn fyrsta leik árið 2020.
Vitinha var sendur á lán til Wolves í ensku úrvalsdeildinni tímabiliið 2020/2021 þar sem hins vegar lítið gekk upp.
Wolves hafnaði því að semja við leikmanninn endanlega og gæti það svo sannarlega komið í bakið á félaginu.