Aaron Ramsey vill fá fjórar milljónir evra í vasann ef hann á að yfirgefa lið Juventus í sumar.

Frá þessu greinir Calciomercato á Ítalíu og segir þar að Ramsey heimti fjórar milljónir frá ítalska félaginu sem villa losna við hann.

Ramsey á eitt ár eftir af samningi sínum og vill fá hann borgaðan upp en leikmaðurinn var lánaður til Rangers í byrjun árs.

Þar gekk erfiðlega hjá þessum fyrrum leikmanni Arsenal sem er orðaður við endurkomu til Englands.

Meiðsli hafa sett stórt strik í reikning Ramsey á Ítalíu sem spilaði stórt hlutverk á Emirates á sínum tíma.

Fatih Karagumruk í Tyrklandi og Cardiff City hafa áhuga á að fá Ramsey í sínar raðir sem væri þá á frjálsri sölu.