Liverpool er búið að festa kaup á bakverðinum Calvin Ramsay og kemur hann til félagsns frá Aberdeen.
Ramsay hefur verið orðaður við Liverpool undanfarna daga og voru félagaskiptin nú staðfest í dag.
Talið er að Liverpool borgi aðeins fjórar milljónir punda fyrir Ramsay sem er 18 ára gamall og mikið efni.
Þrátt fyrir ungan aldur spilaði Ramsay yfir 30 leiki fyrir Aberdeen í öllum keppnum í síðustu leiktíð.
Þetta er þriðji leikmaðurinn sem kemur til Liverpool í sumar á eftir Fabio Carvalho og Darwin Nunez.
