Fjölnir tók á móti Vestra í Lengjudeild karla í dag.
Mörkin létu á sér standa allt þar til á 70. mínútu í dag en þá kom Hákon Ingi Jónsson heimamönnum yfir með marki úr vítaspyrnu.
Aðeins örfáum mínútum síðar fengu gestirnir víti hinum megin á vellinum. Vladimir Tufegdzic fór á punktinn og skoraði.
Í uppbótartíma leiksins barst boltinn svo til Martin Montipo inn á teig Fjölnis. Hann setti boltann í markið og tryggði Vestra dramatískan 1-2 sigur.
Fjölnir er í sjötta sæti með 11 stig. Vestri er í áttunda sæti með níu stig í þessari afar jöfnu og skemmtilegu deild.
