Lengjudeildin hér heima er í fullu fjöri og í dag fer fram spennandi leikur og um leið eini leikur dagsins í þeirri deild.

Fjölnir spilar við lið Vestra Í Lengjudeildinni í dag en flautað er til leiks klukkan 14:00.

Fyrir þennan leik er Fjölnir með 11 stig í sjötta sæti deildarinnar á meðan Vestri er aðeins með sex stig eftir jafn marga leiki. Búist var við mun meiru af Vestra áður en tímabilið fór af stað og er þetta kjörið tækifæri fyrir liðið að sýna sinn rétta lit.

Íslenskir áhorfendur geta fylgst með þessum leik í dag í opinni dagskrá en Hringbraut sýnir leikinn í opinni dagskrá klukkan 14:00. Aron Guðmundsson sér um að lýsa þessari vonandi stórskemmtilegu viðureign.

Fjölnir gerir sér von um að komast að hlið Selfoss í toppsæti deildarinnar með Sigri en Vestri getur á sama tíma fjarlægt sig frá fallbaráttunni með þremur stigum.